Најнова технологија на Интел во Битола
Министерот за информатичко општество и администрација, Иво Ивановски, денес во посета на ОУ „Климент Охридски" во Битола, каде се информира за начинот на изведување на наставата со помош на користењето на компјутерите со екран на допир. Тој се запозна со нивната техничка функционалност и предноста што ја имаат во однос на другите компјутерски системи. Станува збор за новата генерација на Intel Classmate PC, која вклучува монитори на допир и ротирање и оперативен систем Windows 8. Пилот проектот се спроведува во едно одделение во училиштето „Климент Охридски„ во Битола, од почетокот на второто полугодие на оваа учебна година во соработка меѓу Microsoft и Intel. - Ќе изградиме девет нови училишта, 200 ќе ги реновираме на различи начини зависно од потребите, ќе изградиме нови 69 спортски сали како дел од образовниот систем и ќе извршиме набавка на 300.000 таблет-компјутери за најмладите ученици од основно до средно образование, рече Антонио Милошоски, носител на листа на ВМРО ДПМНЕ за ИЕ5.
